कॅसीनो आर्केस्ट्रा बारवर पोलीसांची मोठी कार्यवाही ; ५ लाख १२ हजार ४२० रूपये किंमतीचा मुद्देमाल तालुका पोलिस ठाणे यांनी केला हस्तगत

५ लाख १२ हजार ४२० रूपये किंमतीचा मुद्देमाल तालुका पोलिस ठाणे यांनी केला हस्तगत

उत्तर सोलापूर दि. १७ मार्च , (द लोकतंत्र नेशन नेटवर्क)

श्री.अतुल कुलकर्णी, मा.पोलीस अधीक्षक, सोलापूर ग्रामीण, मा.श्री.प्रितम यावलकर, अपर पोलीस अधीक्षक यांचे मार्गदर्शनाखाली मा.श्री.संकेत देवळेकर,उपविभागीय पोलीस अधिकारी सोलापूर ग्रामीण उपविभाग याचे पथकातील व सोलापूर तालुका, पोलीस ठाणे कडील कार्यरत असलेले पोलीस अधिकारी व अंमलदार यांना मौजे कोंडी ता.उत्तर सोलापूर जि.सोलापूर येथील कॅसीनो आर्केस्ट्रा बारमधील महिला हया अंगावर तोकडे कपडे घालुन बिभत्सपणे अश्लील हावभाव करून तेथील डी.जे. एम्लीफायरच्या तालावर अश्लील नृत्य करीत आहेत अशी बातमी मिळाली होती.   
मिळालेल्या बातमी नुसार मा.श्री.संकेत देवळेकर, उपविभागीय पोलीस अधिकारी सोलापूर ग्रामीण उपविभाग यांचे पथकातील व सोलापूर तालुका, पोलीस ठाणे कडील कार्यरत असलेले पोलीस अधिकारी व अंमलदार यांनी दिनांक 17.03.2026 रोजी कॅसीनो ऑकेस्ट्रा बार येथे छापा टाकला तेंव्हा कॅसीनो आर्केस्ट्रा बारमधील महिला अंगावर तोकडे कपडे घालुन बिभत्सपणे अश्लिल हावभाव करून संगीताच्या तालावर अश्लील नृत्य करीत असल्याचे दिसुन आले आहे. तेथे बसलेले ग्राहक समोरील नर्तकीयांचेकडे पाहुन अश्लील हावभाव करून संगीताच्या तालावर नाचत असल्याचे दिसुन आले होते. 
आर्केस्ट्रा बारमधील ११ महिला तसेच ११ पुरुष आरोपी यांच्यासह मॅनेजर व मालक असे एकूण २१ आरोपी विरूध्द पोकॉ/भिमराव उत्तम खंडागळे यांनी दिलेल्या फिर्यादी वरून सोलापूर तालुका, पोलीस ठाणेस गुन्हा दाखल झाला आहे.
      कॅसीनो ऑकेस्ट्रा बार येथुन साऊंड बॉक्स, रोख रक्कम, मोटार सायकल, मोबाईल हॅन्डसेट असा एकूण ५ लाख १२ हजार ४२० रूपये किंमतीचा मुद्देमाल हस्तगत केला आहे. गुन्हयाचा अधिक तपास सोलापूर तालुका, पोलीस ठाणे कडील नेमणुकीस असलेले सपोफौ/रामेश्वर कोडक हे करीत आहेत.   
सदरची छापा कारवाई मा.श्री.अतुल कुलकर्णी, पोलीस अधीक्षक, मा.श्री.प्रितम यावलकर, अपर पोलीस अधीक्षक, मा.श्री.संकेत देवळेकर, उपविभागीय पोलीस अधिकारी सोलापूर उपविभाग सोलापूर यांचे मार्गदर्शनाखाली त्यांचे कडील पथकातील पोलीस अधिकारी व अंमलदार तसेच श्री.राहुल देशपांडे, पोलीस निरीक्षक, सोलापूर तालुका, पोलीस ठाणे यांचे नेतृत्वाखाली सोलापूर तालुका, पोलीस ठाणे कडील अधिकारी व अंमलदार यांनी बजावली आहे.